லண்டன், மே 19: இங்கிலாந்தின் மிகப்பெரிய காவல் அமைப்பான Metropolitan Police தனது நீண்டகால முதலீட்டு மற்றும் வளர்ச்சி திட்டங்களை வலுப்படுத்தும் நோக்கில் இந்திய வம்சாவளியைச் சேர்ந்த நிதி நிபுணர் Hardev Virdee அவர்களை புதிய Chief Strategy and Investment Officer ஆக நியமித்துள்ளது. இந்தப் பொறுப்பில் அவர் மெட்ரோபாலிட்டன் காவல்துறையின் எதிர்கால திட்டமிடல், முதலீட்டு மேலாண்மை மற்றும் வணிக செயல்பாடுகளை முன்னெடுக்க உள்ளார். காவல் துறை எதிர்நோக்கும் பெரிய நிதி இடைவெளியை சமாளிக்க விர்தீயின் அனுபவம் முக்கிய பங்காற்றும் என கமிஷனர் Sir Mark Rowley தெரிவித்துள்ளார். முன்னதாக தேசிய சுகாதார சேவை அமைப்பான National Health Service (NHS) இல் பணியாற்றிய விர்தீ, “முக்கியமான இந்த காலகட்டத்தில் மெட்ரோபாலிட்டன் காவல்துறையுடன் இணையுவது மகிழ்ச்சி அளிக்கிறது” என்று கூறினார்.
Comments